Московский Патриархат Рязанская Епархия РПЦ Автономная некоммерческая общеобразовательная организация

Пасхальные тропари

voskrВоскресению Христову, глас 5:

Христос воскресе из мертвых, / смертию смерть поправ, / и сущим во гробех живот даровав.

Кондак, глас 8

Аще и во гроб снизшел еси, Безсмертне, но адову разрушил еси силу и воскресл еси, яко победитель, Христе Боже, женам мироносицам вещавый: радуйтеся! и Твоим апостолом мир даруяй, падшим подаяй воскресение.

Задостойник, глас 1

Ангел вопияше Благодатней: Чистая Дево, радуйся! И паки реку: радуйся! Твой Сын воскресе тридневен от гроба, и мертвыя воздвигнувый: людие, веселитеся.
Светися, светися, новый Иерусалиме: слава бо Господня на тебе возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Твоего.


В Неделю Антипасхи, глас 7:

Запечатану гробу, / живот от гроба возсиял еси Христе Боже, / и дверем заключенным, / учеником предстал еси, / всех воскресение: / дух правый теми обновляя нам, / по велицей Твоей милости.

Величание:

Величаем Тя, / Живодавче Христе, / нас ради во ад сшедшаго и с Собою вся воскресившаго.